Հարավային Օսիայի խորհրդարանական ընտրություններում հաղթում է ՌԴ-ին միանալուն կողմնակից կուսակցությունը

Ինչպես հայտնում է ria.ru-ն, Հարավային Օսիայի խորհրդարանական ընտրություններում մեծ առավելությամբ հաղթում է «Միասնական Օսիա» կուսակցությունը, որի նախընտրական գլխավոր խոստումներից մեկը եղել է Ռուսաստանի կազմի մեջ մտնելու շուրջ հանրաքվե անցկացնելը: Այս մասին հայտնում է Հարավային Օսիայի ԿԸՀ-ն:

«Ներկա դրությամբ հաշվարկված է քվեների 31 տոկոսը, ըստ որոնց՝ «Միասնական Օսիան» հավաքել է քվեների ավելի քան 44 տոկոսը: Նրա մրցակից «Ժողովրդի միասնություն» կուսակցությունը հավաքել է քվեների ավելի քան 16 տոկոսը»,- ասվում է հաղորդագրության մեջ:

«Միասնական Օսիա» կուսակցությունը կարծում է, որ Հարավային Օսիան Ռուսաստանի կազմ վերադարձնելու հարցը պետք է լուծել հիմա և իրենք պատրաստել են համապատասխան ճանապարհային քարտեզ՝ ՌԴ-ին միանալու հետ կապված: