Սիրիան կարող է դառնալ երկրորդ Սոմալի. Ախդար Իբրահիմի
Աշխարհ
Սիրիայի հարցերով ՄԱԿ-ի և Արաբական երկրների լիգայի նախկին բանագնաց Ախդար Իբրահիմին նշել է, որ Սիրիան երկրորդ Սոմալի դառնալու ճանապարհին է, այսինքն' ձախողված պետություն, որը ղեկավարում են զինյալ ղեկավարները: Ինչպես հաղորդում են արաբական լրատվամիջոցները, Իբրահիմին նաև ավելացրել է, թե մեծ վտանգ կա, որ առանց համատեղ ջանքերի քաղաքական լուծման հասնելու համար տարածաշրջանի հիմքում կարող է պայթյուն լինել: Նա Սիրիայում ռազմական գործողությունները որակել է դաժան քաղաքացիական պատերազմ: Իբրահիմին նաև նշել է, որ շատ երկրներ` սիրիական ճգնաժամը չգնահատելով, խաղադրույք են կատարել Բաշար ալ Ասադի իշխանության տապալման վրա, բացի այդ որոշ երկրներ աջակցում են պատերազմին' խաղաղության համար ջանքեր ներդնելու փոխարեն: Սիրիայի հարցով հետաքրքրված երկրներին և հարևաններին Իբրահիմին կոչ է արել քայլեր ձեռնարկել սիրիական ժողովրդին օգնելու համար' հակամարտող կողմերին աջակցելու փոխարեն:
Ախդար Իբրահիմին ՄԱԿ-ի և ԱԵԼ-ի համատեղ բանագնաց էր նշանակվել 2012թ. սպտեմբերի 1-ից՝ փոխարինելով Քոֆի Անանին: Նա հրաժարական է տվել այս տարվա մայիսին' միջսիրիական բանակցությունները վերսկսելու փորձը ձախողելուց հետո:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
