Փարիզում Սենա գետի կամուրջը քանդվել է «սիրո կողպեքների» ծանրության տակ (լուսանկար)
Աշխարհ
Փարիզի Արվեստների հռչակավոր կամուրջը քանդվել է զբոսաշրջիկների թողած «սիրո կողպեքների» ծանրության տակ, տեղեկացնում է Daily Mail-ը: Կամրջի վրա գտնող զբոսաշրջիկներին տարահանել են:
Մետաղական ցանկապատն ընկել է ներս, այլ ոչ թե գետը, պատմել է տեղի մի ոստիկան: «Եթե այն ընկներ նավակի վրա, հետեւանքը կլիներ ողբերգական»,- հայտնել է նա:
Զբոսաշրջկիների շրջանում մեծ ժողովրդականություն է վայելում կամրջի վրա իրենց անվամբ կողպեք կախելու սովորույթը, բայց այդ «հուշանվերների» ծանրությունն սպառնում է մետաղական կամրջին, որը կառուցվել է 1804 թվականին եւ վերականգնվել 1980-ին՝ երկու համաշխարհային պատերազմների ժամանակ ստացած վնասվածքներից:
Միջադեպից հետո Փարիզում վերսկսվել են զանազան կողպեքների արգելման կոչերը, կողպեքներ, որոնք փչացնում են հուշարձանները նաեւ Եվրոպայի մյուս քաղաքներում, այդ թվում՝ Լոնդոնում:
Փարիզի քաղաքագլուխ Աննա Իդալգոն ավելի վաղ դիմադրում էր վանդալիզմի դեմ միջոցներ ձեռնարկելու կոչերին, բայց կամրջի փլուզումը փոխել է իրադրությունը: Քաղաքապետարանի մամուլի քարտուղարը հայտնել է, որ եթե ավանդույթի շարունակումն այսուհետեւ էլ հանգեցնի հուշարձանների վնասման, ապա կձեռնարկվեն համապատասխան միջոցներ, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Գևորգը 3 երեխա ուներ, մի շաբաթ առաջ աղջկա հարսանիքն էր. Երևանում աներորդին մեքենան քշել է փեսայի վրա (տեսանյութ)
