Պորոշենկոն ՌԴ-ի հետ բանակցություններ է սկսել

Ուկրաինայի նոր նախագահ Պյոտր Պորոշենկոն բանակցություններ է սկսել Ռուսաստանի հետ՝ երկրի երկու արևելյան շրջաններում խաղաղության հաստատման համար: Այս մասին հայտնում է news.siteua-ը` վկայակոչելով The Financial Times պարբերականը։

Կիրակի օրը Պորոշենկոն մասնակցել է հատուկ քննարկմանը, որն առաջարկում է հրադադարի հաստատում և երկրի արևելյան շրջաններում լարված իրավիճակի հանդարտեցում:

Հիշեցնենք, որ Ուկրաինայում մայիսի 25-ին կայացած նախագահական ընտրություններում հաղթած Պյոտր Պորոշենկոն շաբաթ առավոտյան հավատարմության երդում էր տվել ուկրաինացի ժողովրդին և դարձել անկախ Ուկրաինայի հինգերորդ նախագահը: