Էրդողանին Ավստրիայում չեն ցանկանում տեսնել
Աշխարհ
Թուրքիայի վարչապետ Ռեջեփ Թայիփ Էրդողանի' հունիսի 18-ին Վիեննա իրագործելիք այցի հետ կապված խիստ հայտարարություններ են հնչել Ավստրիայում:
Ավստրիայի «Ազատություն» կուսակցության առաջնորդ Հայնց Քրիստիան Շտրակեն «Օստերռայխ» թերթին տված հարցազրույցում հայտարարել է, թե չեն ցանկանում, որ Էրդողանը Ավստրիա գա:
Ավստրիայի խորհրդարանում կոալիցիայի մաս կազմող կուսակցության առաջնորդը հայտարարել է, որ «Վիեննան չունի Էրդողանի կարիքը» և թուրք առաջնորդին խորհուրդ տվել «մնալ տանը»:
Շտրակեն ասել է. «Էրդողանը կարող է Վիեննա գալ պաշտոնական այցով, սակայն թուրք վարչապետը Ավստրիա է գալիս թուրքերին դիմելու համար: Վիեննայում գտնվելու ընթացքում նա ոչ մի քաղաքական գործչի հետ չի հանդիպելու: Դա միմիայն «Էրդողանստանի» համար արվող պրոպագանդա է»:
«Ազատություն» կուսակցության առաջնորդը նաև նշել է, որ Էրդողանն աշխատում է «զուգահեռ հանրություն» ստեղծել Ավստրիայում:
Էրդողանի' Գերմանիա այցից առաջ բողոք էին հայտնել է նաև գերմանացի քաղաքական գործիչները: Էրդողանը Քյոլնում հանդիպել էր գերմանաբնակ թուրքերի հետ և քարոզչական ելույթներ ունեցել Թուրքիայի նախագահի պաշտոնում իր թեկնածությունը պաշտպանելու օգտին:
Թուրքիայում նախագահական ընտրությունները նշանակված են օգոստոսի 10-ին: Այդ ընտրություններում Էրդողանը համարվում է Թուրքիայի ապագա նախագահի թիվ մեկ թեկնածուն:
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
