Օբաման Սպիտակ տնից դուրս է եկել սուրճի՝ խախտելով պահպանության կարգը
Աշխարհ
ԱՄՆ-ի նախագահ Բարաք Օբաման խախտել է պահպանության խիստ կանոնակարգը՝ ոտքով մոտակա սրճարան գնալով Սպիտակ տան իր նստավայրից: Այդ մասին հունիսի 9-ին հաղորդել են ամերիկացի լրագրողները:
Օբաման և նրա վարչակազմի ղեկավար Դենիս Մակդոնոուն դուրս են եկել Սպիտակ տան դարպասներից և Փենսիլվանիա-ավենյուով գնացել մերձակա Starbuks սրճարան: Մոտավորապես 8 րոպե անց Օբաման դուրս է եկել սրճարանից ստվարաթղթե բաժակը ձեռքին, իսկ Մակդոնոուն՝ մեկական բաժակով յուրաքանչյուր ձեռքին: Օբաման եղել է թևքերը վեր ծալած վերնաշապիկով՝ առանց պիջակի: Սրճարանի ճանապարհին նա բարևելով ձեռք է տվել անցորդներին և նրանց հետ ողջույնի խոսքեր փոխանակել: Նախագահին ուղեկցել է զինված պահակախումբը:
ԱՄՆ-ի նախագահն իր լիազորությունների կատարման ընթացքում ապրում և աշխատում է Սպիտակ տանը: ԱՄՆ-ի նախագահներին խստիվ պաշտպանում են մահափորձերից, և սովորաբար նրանք Սպիտակ տնից դուրս են գալիս սոսկ զրահապատ լիմուզինով կամ ուղղաթիռով:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
