Պետք է պատժել ՌԴ-ին այն «ողբերգության» համար, ինչը տեղի ունեցավ իմ երկրում. Պորոշենկո

Ինչպես հայտնում է ria.ru-ն, Ուկրաինայի նախագահ Պյոտր Պորոշենկոն Time ամսագրին, որպես երկիր նախագահ, տված իր առաջին հարցազրույցում հայտնել է, որ ինքը ցանկանում է պատժել Ռուսաստանին` այն «ողբերգության» համար, որը տեղի ունեցավ իր երկրում, սակայն այլ տարբերակ չունի, բացի Մոսկվայի հետ երկխոսություն սկսելը:

«Գուցե որոշ ուկրաինացիներ իրենց հարևանի դերում ուզում են տեսնել Շվեդիային կամ Կանադային, բայց մեր հարևանը Ռուսաստանն է, իսկ այս հարևանի հետ երկխոսությունն անհրաժեշտություն է և համարվում է մեր երկրի անվտանգության երաշխիքը»,- ասել է նա:

Ըստ Պորոշենկոյի` Պուտինին պետք համոզել այն հարցում, որ Ուկրաինան իրավունք ունի գոյություն ունենալ իր ներկա սահմաններով, կառուցել հզոր բանակ և բարգավաճ տնտեսություն:

«Անկեղծ ասած՝ ինձ ամենևին էլ չի հետաքրքրում, թե ինչ է մտածում քաղաքացի Պուտինն իմ երկրի մասին։ Եթե ռուս ղեկավարը կասկածի տակ է առնում Ուկրաինայի գոյությունը՝ իր ներկայիս սահմաններով, ապա մենք պետք է հզոր բանակ ու ծաղկող տնտեսություն ունենանք, որպեսզի հակառակը համոզենք Պուտինին»,-շարունակել է նա։