Ուկրաինայի առողջապահության նախարարությունը հայտնել է երկրի արևելքում ուժային գործողության ընթացքում 210 զոհվածների մասին

Ուկրաինայի արևելքում ուժային գործողության անցկացման ընթացքում դիարաններ են տեղափոխվել 210 մարդու, այդ թվում` 14 երեխայի մարմին: Այդ մասին հայտնել է Հանրապետության առողջապահության նախարար Օլեգ Մուսին:

Նա նաև նշել է, որ հունիսի 10-ին Լուգանսկի և Դոնեցկի մարզերում դիարաններ են բերվել 50 զոհվածների մարմիններ: Դրա հետ մեկտեղ նախարարը չի ճշտել, թե ինչ կորուստներ են կրել ուժայինները և աշխարհազորայինները և քանի զոհ կա խաղաղ բնակիչների շրջանում:

Լուգանսկի ու Դոնեցկի մարզերում ուժային գործողությունն սկսվել է ապրիլի կեսին, հաղորդել է «Ինտերֆաքսը»: