Աֆղանստանում թալիբներն ազատ են արձակել առևանգված 34 դասախոսներից ու ուսանողներից հինգին

«Թալիբան» շարժման զինյալներն ազատ են արձակել հինգ պատանդների, որոնք Աֆղանստանի հարավ-արևելքի Ղազնիի նահանգի Ղանդահարի համալսարանից առևանգած 34 դասախոսների ու ուսանողների թվում էին: Այդ մասին հայտնել է տարածաշրջանի նահանգապետի վարչակազմի ներկայացուցիչը:

Ըստ իշխանությունների տվյալների՝ թալիբներն այդ քայլին են դիմել տեղական ցեղերի ավագների ճնշման ներքո: Ներկայում բանակցություններ են վարվում մնացած գերիներին ազատ արձակելու շուրջ:

Ղանդահարի համալսարանի ավտոբուսը ծայրահեղականները հունիսի 10-ին կանգնեցրել էին Քաբուլ-Ղանդահար բանուկ մայրուղու վրա, երբ ուսումնական հաստատության աշխատակիցներն ու սաները ուղևորվում էին հանգստի: Դասախոսներից մեկը դիմադրություն է ցույց տվել արմատականներին և վերքեր է ստացել: Ազատ արձակելվուց հետո նրան տեղափոխել են մերձակա հիվանդանոց, հաղորդել է ԻՏԱՌ-ՏԱՍՍ-ը: