«Յոթնյակի» երկրները նոր տնտեսական պատժամիջոցներ կսահմանեն Մոսկվայի դեմ. Քեմերոն
Աշխարհ
«Յոթնյակի» երկրները նոր տնտեսական պատժամիջոցներ կսահմանեն Ռուսաստանի նկատմամբ, եթե Մոսկվան առևտրական պատերազմ սկսի Ուկրաինայի դեմ: Այդ մասին Մեծ Բրիտանիայի խորհրդարանում հայտարարել է երկրի վարչապետ Դևիդ Քեմերոնը:
Նա հատուկ հայտարարությամբ է հանդես եկել «յոթնյակի»` անցած շաբաթ Բրյուսելում կայացած գագաթնաժողովի կապակցությամբ: Քեմերոնի խոսքով՝ «Ռուսաստանի ղեկավարությունն այդ մասին նախազգուշացված է»:
Ինչպես արդեն հաղորդվել է, «Գազպրոմի» ղեկավար Ալեքսեյ Միլլերը, ամփոփելով էներգետիկայի եվրահանձնակատար Գյունտեր Էթինգերի հետ հունիսի 10-ին կայացած հանդիպման արդյունքները, հայտարարել է, որ Ռուսաստանն Ուկրաինայի համար գազի դիմաց կանխավճարի համակարգի սահմանումը տեղափոխել է հունիսի 16:
«Այսօր Բրյուսելում տեղի ունեցան Եվրահանձնաժողովի և Ռուսաստանի պատվիրակության երկկողմ խորհրդակցությունները: Ռուսական կողմը ընդառաջ քայլ արեց կառուցողական բանակցությունները շարունակելու համար: Կանխավճարի ռեժիմի սահմանումը հետաձգվել է մինչև հաջորդ երկուշաբթի»,- ասել է Միլլերը: Նա ընդգծել է, որ ռուսական կողմը Ուկրաինայի պատվիրակության և Եվրահանձնաժողովի հետ «կառուցողական բանակցություններ է ակնկալում» հունիսի 11-ի խորհրդակցություններում, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
