Պայթյուն է որոտացել Դոնեցկի ածխահանքերից մեկում. ինը հանքագործի ճակատագիրն անհայտ է

Պայթյուն է որոտացել Ուկրաինայի Դոնեցկի մարզի «Գրանտ Ինվեստ Պլյուս» ՍՊԸ-ի ածխահանքում: Ներկայումս ինը հանքագործների ճակատագիրն անհայտ է: Այդ մասին հաղորդել է «Ուկրինֆորմը»՝ հղում անելով Հանրապետության արտակարգ իրավիճակների պետական ծառայությանը:

«Շախտյորսկի շրջանի Կիրովսկոյե քաղաքի «Գրանտ Ինվեստ Պլյուս» ՍՊԸ-ի ածխահանքում հունիսի 12-ին ժամը 03:39-ին 300 մետր խորության վրա գազաօդային խառնուրդի պայթյուն է որոտացել առանց հետագա բռնկման: Պայթյունի պահին ածխահանքում գտնվում էր ինը հանքագործ, որոնց ճակատագիրն անհայտ է»,- ասված է հաղորդագրության մեջ:

Ներկայումս որոնողափրկարարական աշխատանքները շարունակվում են: