ԴԱԻՇ-ը մտել է իրաքյան Ջալաուլա քաղաք. կա 4 զոհ և ավելի քան 20 վիրավոր

Իրաքյան անվտանգության աղբյուրները տեղեկացնում են, որ զինյալները մտել են Ջալաուլա քաղաք, երբ անվտանգության ուժերը հեռացել են այնտեղից: Քրդական Բաշմարքա ուժերը համալրել են իրենց ուժերը` փորձելով մինչև զինյալների`այնտեղ հասնելն ապահովել իրենց կուսակցության գրասենյակների անվտանգությունը: Տեղեկություններ կան, որ քրդական ուժերը քաղաքի արևմտյան մուտքի մոտ հարձակվել են ԴԱԻՇ-ի վրա:

Ջալաուլա քաղաքը գտնվում է Դիյալա մարզում: Մեկ այլ աղբյուր տեղեկացնում է, որ ԴԱԻՇ-ը գրավել է Դիյալայի մարզի Բաակուբա քաղաքի 2 շրջաններ:

Մյուս կողմից սիրիա-իրաքյան սահմանի մերձակայքում՝ ալ Քաիմ քաղաքի մոտ, հունիսի 12-ին ԴԱԻՇ-ի հարձակման հետևանքով իրաքյան բանակի 4 զինվորներ զոհվել են, ավելի քան 20-ը՝ վիրավորվել:

Ավելի վաղ՝ հունիսի 10-ին, ԴԱԻՇ-ը հսկողություն էր հաստատել երկրի երկրորդ քաղաք Մոսուլի վրա: Ավելի քան 500 հազար բնակիչներ հեռացել են այնտեղից: