Մալայզիայի իշխանությունները շարունակելու են կորած Boeing 777-ի որոնումները

Հնդկական օվկիանոսի մոտ մալայզիական Boeing 777-ի անհետ կորչելուց 100 օր անց, Մալազիայի վարչապետ Նաջիբ Տուր Ռազակը հայտարարել է, որ Մալազիան շարունակելու է կորած ինքնաթիռի որոնման աշխատանքները: «Արմենպրես»-ի հաղորդմամբ` այս մասին տեղեկացնում է Interfax-ը:

Malaysia Airlines ավիաընկերությանը պատկանող Boeing 777 ինքնաթիռը, որում եղել են 227 ուղևոր և անձնակազմի 12 անդամ, անհետացել է մարտի 8-ին: Երկարատև որոնումները ոչ մի արդյունքի չեն հանգեցրել, ինչի արդյունքում Մալայզիայի իշխանությունները հայտարարեցին ինթնառիռում եղած բոլոր ուղևորների մահվան մասին: