ՄԱԿ-ի Անվտանգության խորհուրդը փակ խորհրդակցություն կանցկացնի Ուկրաինայի իրադրության շուրջ

ՄԱԿ-ի Անվտանգության խորհուրդը հունիսի 16-ին փակ խորհրդակցություն կանցկացնի Ուկրաինայի իրադրության շուրջ: Այդ մասին ԻՏԱՌ-ՏԱՍՍ-ին հայտնել է համաշխարհային կազմակերպության կենտրոնակայանի իրազեկ մի աղբյուր:

«Հանդիպումը նշանակված է ժամը 15:00-ին (Երևանի ժամանակով՝ ժամը 23:00-ին)»,- ասել է գործակալության զրուցակիցը:

Հունիսի 15-ին ՄԱԿ-ի ԱԽ-ի արևմտյան անդամները արգելափակել են շաբաթ օրը Կիևում Ռուսաստանի դեսպանատան վրա կատարված հարձակումը դատապարտելու վերաբերյալ հայտարարության նախագիծը, որը առաջարկել էր ՌԴ-ի պատվիրակությունը: