Սլավյանսկում ժամանակավոր հրադադար է հայտարարվել. Ավակով

Ուկրաինայի ներքին գործերի նախարար Արսեն Ավակովը հայտարարել է, որ ուժայինները դադարեցրել են կրակը Սեմյոնովկայի շրջանում՝ Սլավյանսկի մոտ: Այս մասին հայտնում է Bезформата.ru-ն` վկայակոչելով Ավակովի Facebook-յան էջը:

Հրադադարը սահմանվել է ջրամատակարարումն ապահովելու նպատակով:

«Ժամանակավոր հրադադարի գլխավոր նպատակն այն է, որ թույլ կտա վերանորոգման աշխատանքներ իրականացնել Դոնբասի քաղաքների ջրամատակարարումը վերականգնելու համար, որը դադարեցվել էր մեկ շաբաթ առաջ` «Հյուսիսային Դոնեցկ-Դոնբաս» ջրատարի պոմպակայանի գնդակոծության հետևանքով»,- հայտնել է Ավակովը: