Լուգանսկում մարտերի ընթացքում մահացել է «Ռոսիա 1»-ի լրագրողը (տեսանյութ)

Լուգանսկի հիվանդանոցում մահացել է ավելի վաղ ռմբակոծության ընթացքում վիրավորված ВГТРК-ի լրագրող Իգոր Կորնելյուկը: Այս մասին հայտնում է itar-tass-ը` վկայակոչելով «ԼԺՀ» մամուլի ծառայությունը:

«ВГТРК լրագրող Իգոր Կորնելյուկը մահացել է հիվանդանոցում` վիրահատական սեղանին»,- տեղեկացնում է «ԼԺՀ» մամուլի ծառայության ղեկավար Վլադիմիր Ինոգորոդսկին:

Հաղորդվում է, որ ВГТРК-ի նկարահանող խումբը գնացել է Մետալիստ գյուղ` նկարահանումների, որտեղ գնդակոծության ժամանակ արկն ընկել է աշխարհազորայինների խմբի վրա, որոնց հետ աշխատում էր լրագրողների խումբը:

Ըստ ականատեսների՝ լրագրողներից մեկի ձեռքին «Ռոսիա» հեռուստաընկերության լոգոտիպով միկրոֆոն է եղել: