Մալայզիայի ափերի մոտ ներգաղթյալների փոխադրող նավի խորտակման հետևանքով զոհվել է ինը մարդ

Ինը մարդ է զոհվել, ևս 26-ն՝ անհայտ կորել Մալայզիայի արևմտյան ափի մոտ, որտեղ նախօրյակին ջրասույզ է եղել Ինդոնեզիայից մեկնած անօրինական ներգաղթյալներով լեփ-լեցուն նավը: Ավելի վաղ տեղական իշխանությունները հաղորդել էին 62 մարդու փրկվելու մասին: Նրանցից շատերին ջրից հանել են առափնյա պահպանության ներկայացուցիչները և ձկնորսները, ոմանք կարողացել են լողալով հասնել մինչև հարևան փոքրիկ կղզին:

Ջրասույզ եղած փայտե նավը կարող էր տեղավորել առավելագույնը 40 մարդ, սակայն խորտակման պահին այնտեղ եղել են 97 ուղևոր և անձնակազմի անդամ: Ինչպես ենթադրում են, նավն Ինդոնեզիայից տեղափոխում էր անօրինական աշխատողների, ովքեր ցանկանում էին տուն վերադառնալ մահմեդական տոնի ժամանակ: Նավը ջրասույզ է եղել Մալակայի նեղուցում՝ Մալայզիայի Բանթինգ քաղաքից մոտավորապես 3 կիլոմետր հեռավորության վրա, հաղորդել է ԻՏԱՌ-ՏԱՍՍ-ը: