Պյոտր Պորոշենկոն հունիսի 20-ին կհրապարակի երկրում ճգնաժամի կարգավորման իր ծրագիրը

Ուկրաինայի արեւելքում ստեղծված ճգնաժամային իրադրության կարգավորման վերաբերյալ հանրապետության նախագահի ծրագիրը կհրապարակվի ուրբաթ օրը՝ հունիսի 20-ին: Այդ մասին լրագրողներին հայտնել է Ուկրաինայի նախագահ Պյոտր Պորոշենկոն, տեղեկացնում է  «Ուկրինֆորմ» գործակալությունը:

«Վաղը կկայանա նախագահի խաղաղության ծրագրի հրապարակումը»,-ասել է պետության ղեկավարը:

Հիշեցնենք, որ նախագահի՝ Դոնեցկի ու Լուգանսկի մարզերում հակամարտության խաղաղ կարգավորման հարցերով լիազոր ներկայացուցիչ Իրինա Գերաշչենկոն ավելի վաղ հայտարարել Էր, որ իրադրության խաղաղ կարգավորման Ուկրաինայի նախագահ Պյոտր Պորոշենկոյի ծրագիրը բաղկացած Է 14 կետից: Մասնավորապես, այն նախատեսում Է սահմանների ամրացում, ինչպես նաեւ միակողմանի կարգով կրակի կարճաժամկետ դադարեցում, որպեսզի անջատականները վայր դնեն զենքը: