ՀՀ սփյուռքի դպրոցներին առաքվել է շուրջ 47 հազար գիրք

Այս տարի սփյուռքի դպրոցներին առաքվել է շուրջ 47 240 գիրք, որոնցից ամենաշատը` ԱՊՀ երկրներ:

Նոյեմբերի 5-ին կրթական թեմաներին առնչվող սեմինարի ընթացքում Հայաստանի Հանրապետության կրթության եւ գիտության նախարարության սփյուռքի հետ կապերի բաժնի պետ Նունե Վարդանյանը նշեց, որ տասը մլն դրամով ավելացել է սփյուռքի դպրոցներին վերաբերող ծրագրին տրամադրվող գումարը:

Նրա խոսքով` ԿԳՆ նախաձեռնությամբ ստեղծվել են նոր ուսումնական նյութեր` «Հայոց պատմություն» մեկօրյա դպրոցների համար, «Արեւմտահայերենի դասագիրք», ինչպես նաեւ «Ցեղասպանության դասավանդում» խորագրով գիրք:

Նա նաեւ տեղեկացրեց, որ Հայաստանում 12 տարիների ընթացքում վերապատրաստվել է աշխարհի 35 երկրներից շուրջ 600 ուսուցիչ: ՀՀ բուհերում այժմ սովորում են 3 370 սփյուռքահայեր, որոնցից 296-ը` անվճար:

ԿԳՆ-ն կազմակերպում է նաեւ համահայկական մանկապատանեկան միջոցառումներ, որոնցից առանձնանում է Հայագիտական օլիմպիադան, որին մասնակցողները մրցել են հայ գրականության, պատմության եւ մշակույթի ասպարեզում: