Մեկնարկեց հոգեվերլուծաբանների միջազգային համաժողովը

Ապրիլի 13-ին մեկնարկեց ՀՀ սփյուռքի նախարարության, Հայկական հոգեվերլուծական ընկերության, Երևանի պետական համալսարանի, Հայ-ռուսական (սլավոնական) համալսարանի, Մ.Հերացու անվան պետական բժշկական համալսարանի հոգեբանության ամբիոնների համատեղ ջանքերով կազմակերպված «Հասարակություն, ընտանիք, դեռահաս. արդիական խնդիրներ Հայաստանում և Սփյուռքում» խորագրով հոգեվերլուծաբանների միջազգային գիտագործնական համաժողովը:

ՀՀ սփյուռքի նախարար Հրանուշ Հակոբյանի ողջույնի խոսքը համաժողովի մասնակիցներին ընթերցեց նախարարի տեղակալ Վարդան Մարաշլյանը:

Զեկույցներով հանդես եկան Ասպետ Արիյանը (Արգենտինա) («Հասարակություն, ընտանիք, դեռահաս. արդիական խնդիրները Հայաստանում և Սփյուռքում»), Իրեն Նիգոլյանը (Շվեյցարիա) («Դեռահասը վերլուծաբանի մոտ խորհրդատվության ժամանակ»), Ա.Նուռմուխամետովան (Ռուսաստանի Դաշնություն) («Սոցիալ-հոգեբանական ծառայությունների դերը դեռահասի ընտանեկան կյանքին նախապատրաստման հարցում»), Հերոլդ Ալեքսանյանը (Ֆրանսիա) («Մշակութային և էթնիկ նույնականացում») և այլք:

Համաժողովն իր աշխատանքները կշարունակի նաև վաղը: