ԱՄՆ-ն կարող է միակողմանի քայլեր ձեռնարկել Իրանի դեմ. Քերի
ԱՄՆ
ԱՄՆ-ն Իրանի դեմ պատժամիջոցներ կարող է սահմանել ոչ միայն իր համախոհների հետ, այլ նաև միայնակ, եթե այն խախտի միջուկային ծրագրի վերաբերյալ համաձայնագրի դրույթները: «Արմենպրես»-ի հաղորդմամբ' ինչպես տեղեկացնում է ՏԱՍՍ-ը, այս մասին CNN հեռուստաընկերությանը տված հարցազրույց ում հուլիսի 19-ին հայտարարել է ԱՄՆ-ի պետքարտուղար Ջոն Քերին:
«Մենք ձեռքի տակ տարբեր միջոցներ ունենք, որպեսզի Իրանին ստիպենք կատարել իր պարտավորությունները: Եթե պահանջվի, ապա ԱՄՆ-ն կարող է գործել և միայնակ»,-ընդգծել է պետքարտուղարը: Նրա կարծիքով, Իրանը կհրաժարվի բանակցությունները շարունակելուց, եթե ԱՄՆ-ի Կոնգրեսը կասեցնի նրա միջուկային ծրագրի վերաբերյալ ներկայիս համաձայնությունները: «Եթե կոնգրեսը կասեցնի այդ պայմանագիրը, ապա իրանական միջուկային օբյեկտների զննում չի անցկացվի, չեն լինի նաև Իրանի դեմ պատժամիջոցներ և չեն լինի նոր բանակցություններ»,-ասել է Քերին' ընդգծելով, որ Թեհրանը, հավանաբար, կհրաժաշրվի «վեցյակի» հետ հետագա շփումներից:
Ինչ վերաբերվում է պատժամիջոցներին, ապա պետքարտուղարությունն ավելի վաղ մտահոգություն է հայտարարել, որ ներկայիս պայմանավորվածությունների խախտման դեպքում մի շարք պետություններ, այդ թվում ԱՄՆ-ի դաշնակիցները, կհրաժարվեն պահպանել Իրանի հետ առևտրային սահմանափակումները:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
