Լևոն Արոնյանը միաժամանակյա սեանս անցկացրեց հաշմանդամություն ունեցող 22 աշակերտի հետ
Սպորտ
Շախմատի Հայաստանի հավաքականի անդամ Լևոն Արոնյանը միաժամանակյա շախմատային սեանս անցկացրեց Երևանի' ներառական կրթություն իրականացնող դպրոցների հաշմանդամություն ունեցող 22 աշակերտի հետ:
«Այս միտքը կարևոր եմ համարում, սպորտը խաղի մեջ պետք է տարբերությունները մարդկանց ներսից դուրս հանի և հնարավորություններ տա բոլորին լինել հավասար: Ես կարծում եմ, որ շախմատն այն զբաղմունքն է, որը մարդը պետք է հոգով խաղա և սրտից մի բան ունենա: Այս երեխաները դժվարություններ ունեն կյանքում: Հաղթահարելով այդ դժվարությունները՝ ես համոզված եմ, որ նրանք կկարողանան գտնել իրենց աշխարհը»,- «Արմենպրես»-ի հաղորդմամբ՝ լրագրողների հետ զրույցում ասաց Արոնյանը:
«Սպորտը հանուն հավասար հնարավորությունների» միջոցառման նպատակն է հանրության ուշադրությունը հրավիրել հաշմանդամություն ունեցող անձանց համար հավասար հնարավորություններ ստեղծելու գաղափարին: Միջոցառմանը ներկա էին ՀՀ կրթության և գիտության, ՀՀ աշխատանքի և սոցիալական հարցերի նախարարությունների, Երևանի քաղաքապետարանի հանրակրթության վարչության, ՀՀ մարդու իրավունքների պաշտպանի գրասենյակի ներկայացուցիչները և այլք:
Լևոն Արոնյանն արդեն 6-րդ տարին է միանում նախաձեռնությանը' այդ կերպ միանալով ներառական գաղափարի տարածմանը:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
