Փոլ Մաքքարթնին նկարահանվելու է «Կարիբյան ծովի ավազակները» ֆիլմի հինգերորդ մասում
Գիտություն և Մշակույթ
The Beatles-ի նախկին մասնակից Փոլ Մաքքարթնին կնկարահանվի «Կարիբյան ծովի ավազակները» ֆիլմի հինգերորդ մասում, տեղեկացնում է «Արմենպրես»-ը՝ հղում անելով Deadline-ին: Թե ինչ դեր է խաղալու երաժիշտը, առայժմ չի ճշտվում: Ֆիլմի նկարահանումները գրեթե ավարտված են, բայց Մաքքարթնին կհայտնվի ոչ մեծ տեսարանում, որը կհավելեն ժապավենի վերջնական տարբերակին: Պրեմիերան նշանակված է 2017 թվականի մայիսի 26-ին:
Երգիչը կմիանա Ջոն Դեփին, Օռլանդո Բլումին և Ջեֆրի Ռաշային, որոնք կվերադառնան ֆրանշիզայում իրենց դերերին: Հինգերորդ կինոնկարում նկարահանվել է նաև Խավիեր Բարդեմը:
Ինսայդերների խոսքով՝ նոր ֆիլմը, որն ստացել է «Մեռյալները հեքիաթներ չեն պատմում» անվանումը, ոգով ու մթնոլորտով մոտ է «Սև մարգարիտի» նզովքը» առաջին ժապավենին:
Շարքի չորրորդ մասում՝ «Տարօրինակ ափերին» ֆիլմում նկարահանվել է Rolling Stones ռոք խմբի կիթառահար Քիտ Ռիչարդսը:
Փոլ Մաքքարթնին հայտնվել է հիմնականում վավերագրական ֆիլմերում, ինչպես նաև երգեր է ձայնագրել գեղարվեստական կինոնկարների համար: Let It Be ֆիլմի համար գրված համանուն կոմպոզիցիայի համար երաժիշտը The Beatles-ի կազմում «Օսկար» մրցանակ է ստացել:
ՈՒՂԻՂ ԵԹԵՐ
Ամենադիտված 
Հարսանեկան քաոսի․ երկու փեսա եկել են նույն հարսի հետևից
