Կանխատեսում են ֆեյսբուքցիները. ֆուտբոլային ի՞նչ արդյունք կգրանցվի այսօր

Այսօր՝ մարտի 25-ին, Երևանի Վազգեն Սարգսյանի անվան Հանրապետական մարզադաշտում Հայաստանի ազգային հավաքականը կհյուրընկալի Բելառուսի ընտրանուն: Հանդիպումը կլինի ազգային հավաքականի լեգենդար դարպասապահ Ռոման Բերեզովսկիի հրաժեշտի հանդիպումը:

Ազգային հավաքական հրավիրված չեն առաջատարներից Յուրա Մովսիսյանը, Ռոբերտ Արզումանյանը, Գևորգ Կասպարովը, ինչպես նաև Գևորգ Ղազարյանը: Առաջին երեք ֆուտբոլիստները հավաքական չեն հրավիրվել ՀՖՖ նախագահ Ռուբեն Հայրապետյանի հրահանգով, իսկ Գևորգ Ղազարյանին, ըստ Հայրապետյանի, հավաքական չի հրավիրել նորանշանակ գլխավոր մարզիչ Վարուժան Սուքիասյանը:

ԼՈւՐԵՐ.com-ի թղթակիցը հարցում է իրականացրել՝ ֆուտբոլասերները ինչ կանխատեսումներ են անում այսօրվա խաղի վերաբերյալ:

Զոհրաբ Եգանյան

Նոր մարզիչ է, առաջին խաղն է այսօր, տղաները երևի լավ մոտիվացված կլինեն ու նվիրված կխաղան: Ես հավատում եմ, որ մեր հավաքականը համակարգչային լեզվով ասած՝ Restart կլինի ու մենք կխաղանք Եվրոպայի գալիք առաջնության եզրափակիչ փուլում: Կարևորը, որ նորեկները գիտակցեն՝ նրանց բացառիկ շանս է տրված առաջ գնալու, աշխարհահռչակ ֆուտբոլիստ դառնալու ու գրանտ ակումբներում խաղալու համար: Համաձայն եմ, որ հավաքականում խաղալը պատիվ է, ու յուրաքանչյուրը պետք է իր ներուժի 100%-ն օգտագործի: Հոգեբանական խնդիր կա, որը կհաղթահարվի, ու մերոնք կհասկանան, որ ոչ մեկն էլ իրենցից լավը չէ: Հաջողություն մեր թիմին:

Էդգար Խաչատրյան

Հույս ունեմ՝ հավաքականը երկար դադարից հետո կտանի իր առաջին հաղթանակը: Ընկերական խաղ է հաշվի կանխատեսում անելը դժվար կլինի: Ակնկալում եմ խոշոր հաշվով հաղթանակ:

Վովա Հակոբյան

Քանի որ խաղն ընկերական է, մարզիչներն էլ փորձարկումներ կանեն, մեր հավաքականի և մարզչի համար էլ հաղթանակն ավելի կարևոր է՝ և՛ հոգեբանական առումով, և՛ շատ բաներ ապացուցելու, ապա Հայաստանը կհաղթի Բելառուսին, պետք է հաշվի առնել նաև այն, որ սա Բերեզովսկու հրաժեշտի խաղն է նաև: Ու նաև այդ պատճառով մերոնք ավելի շատ կձգտեն հաղթանակի:

Կոնստանտին Տեր -Նակալյան

Մերոնք 3։1 հաշվով կպարտվեն:

Ալեքսանդր Սիրունյան

Բելառուսը չի պարտվի:

Հարություն Մնացականյան:

Կարծում եմ՝ խաղը կավարտվի 2։1՝ հաշվով հօգուտ Հայաստանի: