Մտահոգ եմ, որ որևէ մեկը կարող է սպառնալիքի ենթարկվել իր հայկական ծագման համար. Ադամ Շիֆ
Քաղաքական
ԱՄՆ Կենգրեսի Ներկայացուցիչների պալատի անդամը Ադամ Շիֆը մտահոգություն է հայտնել Լոս Անջելեսում սեփական տանից հայկական դրոշ կախելու հետևանքով հայ ընտանիքին սպառնալու փաստի առնչությամբ: Այս մասին տեղեկացնում է «Ասպարեզ» պարբերականը:
«Ատելության այդ գործողությունը տեղ չունի մեր հասարակությունում: Մտահոգ եմ, որ որևէ մեկը կարող է սպառնալիքի ենթարկվել իր հայկական ծագման համար»,- նշել է Շիֆը: Նա նշել է, որ կատարվածը հատկապես դատապարտելի է, եթե հաշվի առնենք, որ ԼՂ հակամարտությունում բախումները տեղի էին ունեցել վերջերս, իսկ մի քանի օրից Հայոց ցեղասպանության տարելիցն է:
Լոս Անջելեսում բնակվող Հասմիկ Չաթալյանը սպառնալիքներով նամակ է ստացել իր տանից Հայաստանի Հանրապետության դրոշը կախելու փաստի առչնությամբ: Այս միջադեպն արդեն իսկ հետաքննում է Լոս Անջելեսի ոստիկանությունը:
Ի պատասխան ստացած սպառնալիքների՝ Չաթալյանների ընտանիքը չի հանել Հայաստանի դրոշը, փոխարենը կախել է ևս մեկը՝ հորդորելով հարևան հայկական ընտանիքներին անել նույնը: «Ես մեծացել եմ այստեղ, սակայն ես Հայաստանից եմ և հպարտ եմ իմ երկրով: Ես թույլ չեմ տա որևէ մեկին ինձ սովորեցնել, թե ինչպես պետք է սիրել իմ երկիրը»,- ասել է Հասմիկը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
