Հռիփսիմե Խուրշուդյանը` Եվրոպայի չեմպիոն. մարզուհին հաղթանակը նվիրեց Արցախում զոհված զինվորներին

Նորվեգիայի Ֆորդե քաղաքում շարունակվում է ծանրամարտի Եվրոպայի առաջնությունը:

Կանանց պայքարում Հայաստանն այսօր ներկայացրին +75 կգ քաշային Հռիփսիմե Խուրշուդյանը և Արփինե Դալալյանը:

Հռիփսիմե Խուրշուդյանը դարձավ Եվրոպայի չեմպիոն: Մեր մարզուհին պոկում վարժությունում գրանցեց լավագույն արդյունքը`113 կգ և արժանացավ փոքր ոսկե մեդալի: Հրում վարժությունում Խուրշուդյանը գրանցեց 137 կգ արդյունք և կրկին նվաճեց փոքր ոսկե մեդալ՝ երկամարտի 250 կգ արդյունքով դառնալով Եվրոպայի չեմպիոն:

Դալալյանը պոկում վարժությունում բարձրացրեց 93կգ ծանրաձողը և զբաղեցրեց 6-րդ տեղը, հրում վարժությունում մարզուհին գրանցեց 120կգ արդյունք և երկամարտի 213 արդյունքով A խմբում զբաղեցրեց 6-րդ հորիզոնականը:

Հայաստանի կանանց հավաքականը թիմային հաշվարկում դարձավ Եվրոպայի չեմպիոն:

Մարզուհին հաղթանակը նվիրեց Արցախում զոհված և կռվող զինվորներին: