Վարչապետը հորդորեց նախարարներին մարզեր այցելել
Հայաստան
Հովիկ Աբրահամյանն այսօր կառավարության նիստում հիշեցրեց նախարարներին և գերատեսչությունների ղեկավարներին, որ նրանք ամիսը մեկ անգամ պետք է լինեն մարզերում, հանդիպեն տեղի բնակիչների հետ։ Նա հորդորեց այցելել նաև ապրիլյան քառօրյա պատերազմի ժամանակ զոհված զինծառայողների ընտանիքներին:
«Մենք պայմանավորվածություն ունեինք բոլոր նախարարությունների, գերատեսչությունների ղեկավարների հետ, որպեսզի ամիսը մեկ անգամ այցելեն մարզեր: Իհարկե, նախարարներ կան, որ այցելում են, նախարարներ կան, որ ծանրաբեռնվածությունից ելնելով, գոնե ես այդպես եմ պատկերացնում և ընդունում, չեն այցելում ու պետք է սկսեն այցելել: Նաև առաջարկում եմ, որ տվյալ բնակավայրում, քաղաքում, մարզում լինելուց՝ անպայման այցելել քառօրյա պատերազմում զոհվածների ընտանիքներին, ծանոթանալու նրանց սոցիալական խնդիրներին»,- ասաց վարչապետը և հորդորեց առկա խնդիրների դեպքում դիմել կառավարությանը, որպեսզի հարցերը քննարկեն։
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
