Սահմռկեցուցիչ դեպք Երևանում. «Էլլա» գիշերային ակումբից մի այլ աստիճանի անասնացած վիճակում վերադառնալուց հետո, որդին բռնաբարել է մորը

Այս տարվա մայիսի 5-ին սահմռկեցուցիչ դեպք է տեղի ունեցել Երևանում: Ի սկզբանե նշենք, որ այսպիսի դեպքերը մորը սրբացնող մեր ազգին բնորոշ չեն, հակառակը՝ խորթ են, օտար, մենք արգահատանքով ու ծայրաստիճան բացասական վերաբերմունքով ենք մոտենում այսպիսի դեպքերին, որոնք հաճախ են տեղի ունենում Ադրբեջանում և Թուրքիայում: Ավելին. այսպիսի դեպքերը չունեն որևէ ներում, դուրս են մարդկայինի բոլոր սահմաններից ու պատկերացումներից:

Քրեական գործի նախաքննությամբ պարզվել է, որ Կոտայքի մարզի Աբովյան քաղաքում հաշվառված Հմայակ Գրիգորյանը 2016թ. մայիսի 5-ին, ժամը 5-ի սահմաններում, գտնվելով ալկոհոլի ազդեցության տակ, մայրաքաղաքի Ահարոնյան փողոցում գործող «Էլլա» գիշերային ակումբից վերադարձել է երևանյան իրենց բնակարան: Այստեղ, ըստ մեղադրական եզրակացության, Հ. Գրիգորյանը մտել է իր հետ բնակվող մոր ննջասենյակ և նրան (անուն ազգանունը հասկանալի պատճառներով չենք նշում) բռնաբարելու և նրա նկատմամբ սեքսուալ բնույթի բռնի գործողություններ կատարելու նպատակով, հարձակվել մահճակալին պառկած մոր վրա, վերջինիս հնարավոր դիմադրությունը կոտրելու նպատակով, բռնության գործադրմամբ, այն է՝ ձեռքերով և ոտքերով հարվածներ հասցնելով մոր գլխին ու մարմնի տարբեր մասերին, մերկացել է նրան, ապա վերջինիս կամքին հակառակ ունեցել բնական ճանապարհով սեռական հարաբերություն:

Այնուհետև, համաձայն քր. գործի նյութերի, շարունակելով մորը ձեռքերով և ոտքերով հարվածներ հասցնել, իր սեռական կրքերին խաթարված ձևով հագուրդ տալով, նրա նկատմամբ կատարել է սեքսուալ բնույթի բռնի գործողություններ, հանցավոր ոտնձգության ընթացքում վերջինիս առողջությանը պատճառել է՝ ձախից ականջախեցու, ձախից ծոծրակային, կրծքավանդակի, ձախ ուսահոդի, զույգ բազուկների, ձախ դաստակի, գոտկային, աջ ազդրի, աջ սրունքի շրջանների արյունազեղումների, աջ նախաբազկի, ձախ ազդրի, ձախ սրունքի շրջանների քերծվածքների ձևով մարմնական վնասվածքներ:

Վերը նշված արարքների համար Հմայակ Գրիգորյանին մեղադրանք է առաջադրվել ՀՀ քրեական օրենսգրքի 138-րդ հոդվածի («Բռնաբարությունը») և 139-րդ հոդվածի («Սեքսուալ բնույթի բռնի գործողությունները») 1-ին մասերի հատկանիշներով, որպես խափանման միջոց ընտրվել է կալանքը:

Ինչո՞ւ է այս աստիճան անասնանացել ու, թերևս, ձեզ հայտնի անասուններից ցանկացածին գերազանցել Երևանի այս երիտասարդ բնակիչը: Սոսկ դաստիարակության խնդի՞ր է, գեների՞, սոսկ ալկոհոլի ազդեցությա՞ն… Թե՞ նաև՝ ալկոհոլի հետ խառնած ինչ-որ բան է խմել «Էլլա» գիշերային ակումբում, որը նրան խելագարության աստիճանի հասցնող «կայֆ» է տվել, ղզղնել է անասունից էլ առավել: Չգիտենք, հայտնի է միայն, որ իրավապահները վերջին հարցի պատասխանը չեն պարզել, անակնկալ ստուգում չեն կատարել նշված գիշերային ակումբում, այնտեղ իրացվող խմիչքը չեն առգրավել ու փորձաքննության չեն ներկայացրել, քննիչն ընդհանրապես սրա հետ կապված որևէ աշխատանքային վարկած չի ունեցել ու չի քննել: Ի դեպ, ս. թ. մայիսի 30-ի մեր հրապարակումներից մեկով' «Ի՞նչ է սա, եթե ոչ այլասերվածության քարոզչություն ու պոռնկագրական նյութերի տարածում «Էլլա» գիշերային ակումբի գովազդի տեսքով (տեսանյութ)», արդեն անդրադարձել ենք «Էլլա» գիշերային ակումբի գործունեության առանձին և անթույլատրելի դրվագներին: Այդ օրվանից սկսած, պատասխան խոսքն իրավապահներինն է, իսկ նրանք դեռ լռում են…