Հարձակման են ենթարկվել Հոմսի հայկական եկեղեցին և դպրոցը
Սփյուռք
Հարձակման են ենթարկվել Սիրիայի Հոմս քաղաքում գտնվող հայկական եկեղեցին և դպրոցը։ Հարձակումը տեղի է ունեցել Սիրիայի ընդդիմության ներկայացուցիչների կողմից շաբաթ օրը, հաղորդում է «Ասպարէզը»–ը։
Տեղի հայ համայնքի ներկայացուցիչ Նազարեթ Էլմաջյանի խոսքերով, Հայ առաքելական եկեղեցու Սիրիայի թեմի հովանու ներքո գործող «Իսահակյան» հայկական դպրոցը հարձակման է ենթարկվել Սիրիայի ընդդիմության կողմից։ Դպրոցը գտնվում է Հոմս քաղաքի Համիդիյա շրջանում՝ բնակեցված հիմնականում քրիստոնյա արաբներով։ Ընդդիմության ներկայացուցիչները հայկական դպրոցը և եկեղեցին գրավել են դրանք որպես հիվանդանոց և վերականգնողական կենտրոն ծառայեցնելու համար։
Սիրիայի կառավարական ուժերը հարձակում չեն գործել այդ թաղամասի վրա այդտեղ ապրող բազմաթիվ քաղաքացիական անձանց անվտանգության նկատառումներով։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
