Գերի ընկած ադրբեջանցի դիվերսանտի մայրը մանրամասներ է հայտնում (տեսանյութ)

ՀՀ պաշտպանության նախարարի մամուլի խոսնակ Արծրուն Հովհաննիսյանը ֆեյսբուքյան իր էջում տեղադրել է երեկ հայ դիրքապահների կողմից ԼՂՀ-ում գերեվարված Ադրբեջանի ԶՈւ-երի զինծառայող Էլնուր Հյուսեին Զադեի մոր հարցազրույցը, որտեղ վերջինս հերքում է Ադրբեջանի պաշտոնական վարկածը, ըստ որի՝ նա Ադրբեջանի զինված ուժերում չի ծառայում:

Մայրը- Զինվորական ծառայությունն ավարտելուց հետո վերադարձել էր տուն և չէր աշխատում: Չորս ամիս է, ինչ կամավոր ընդունվել է ծառայության: Երեկ գիշերը (01.02.2017թ.) զարգահարել են ինձ զորամասից ժամը 01:30 սահմաններում և ասել, որ զորամաս չի եկել: Ես էլ ասացի, որ եկել է զորամաս, ոնց թե չի եկել: Այնուհետև ասացին՝ չէ չի եկել: Հետո էլ, թե՝ գերի է ընկել, ես էլ ասացի՝ որտեղի՞ց գիտես դու դա: Ասաց, որ համացանցում է գրված: Ես էլ ասացի՝ համացանցում գրված է, քո զինվորն է, քո մոտ է լինում, դո՛ւ պետք է իմանաս՝ ուր է գնացել, որտեղից է գալիս: Գիշերվանից որևէ նորություն չկա:

Լրագրող- Իսկ հայրը որտե՞ղ է:

Մայրը- Հայրը գնացել է զորամաս:

Հավանական է տատիկը- երեկ (01.02.2017թ.) ժամը տասին ասաց՝ գնում են զորամաս:

Կողքից խոսող կնոջ ձայն- երեկ այստեղ է եղել, գիշերը մնացել է, իսկ հաջորդ օրն՝ առավոտյան՝ գնացել:

Մայրը- Երեկ չէ, առաջին օրը երեկոյան եկավ տուն, գիշերը մնաց, առավոտյան գնաց զորամաս: