Արթուր Յուսպաշյանը` «Գանձասար-Կապան»-ի ֆուտբոլիստ

Հայաստանի ազգային հավաքականի անդամ Արթուր Յուսպաշյանը համալրել է «Գանձասար-Կապան»-ը։ Այս մասին տեղեկացնում է ակումբի մամուլի ծառայությունը:

27-ամյա ֆուտբոլիստը կապանյան թիմի հետ մեկ տարվա պայմանագիր է ստորագրել։ Նշենք, որ Յուսպաշյանի վերջին ակումբը եղել է Կիպրոսի բարձրագույն խմբի առաջնությունը ներկայացնող «Անագենիս» թիմը, որի կազմում նա 10 հանդիպում է անցկացրել։

Հավելենք, որ Յուսպաշյանը «Փյունիկ»-ի դպրոցի սան է, որի առաջին թիմի կազմում անցկացրել է 10 մրցաշրջանը, մասնակցել է բարձրագույն խմբի առաջնության 214 խաղի և դարձել 7 գոլի հեղինակ։

Ազգային հավաքականի մարզաշապիկով 27-ամյա կիսապաշտպանը խաղադաշտ է դուրս եկել 11 անգամ: