Ինչն է ստիպել երեք երեխաների հորը՝ անասնագոմում ինքնասպանություն գործել

Լոռու մարզի Սպիտակի տարածաշրջանի Հարթագյուղ համայնքում այսօր ինքնասպանության դեպք է գրանցվել: 51-ամյա տղամարդուն գտել են գոմում կախված վիճակում: 

ԼՈւՐԵՐ.com-ի հետ զրույցում համայնքապետ Անդրանիկ Հարությունյանն ասաց, որ ինքնասպանություն գործած տղամարդն իրենց համագյուղացին էր, ամուսնացած էր, ուներ երեք երեխա՝ երկու աղջիկ, մեկ տղա. «Աղջիկներն ամուսնացած են, տղան էլ զորակոչիկ է: Չգիտեմ, թե ինչը կարող էր պատճառ լինել»:

Գյուղապետի փոխանցմամբ՝ ընտանիքն ապրում էր սոցիալական նորմալ պայմաններում, «փողի խնդիր չունեին, որ դրա պատճառով դիմեր ինքնասպանության»: 

Հարությունյանը նաև հավելեց, որ տղամարդը ոչ մի հոգեկան խնդիր չուներ:

Կատարվում է քննություն: