Հովհաննես Գաբուզյանը` «Սաբալանի գավաթ 2017» կայծակնային մրցաշարի հաղթող

Իրանում ընթացող «Սաբալանի գավաթի» խաղարկության շրջանակներում անցկացվեց կայծականային շախմատի մրցաշարը: 

Մրցաշարին մասնակցող գրոսմայստեր Հովհաննես Գաբուզյանը 9 հնարավորից վաստակեց 8 միավոր և դարձավ մրցաշարի հաղթող: Ղայեմ Մաղամին 7.5 միավորով գրավեց 2-րդ հորիզոնականը, իսկ Մասուդ Մոսադեգպուրը եզրափակեց լավագույն եռյակը:

Դասական շախմատի կանոններով անցկացվող մրցաշարում երեկ տեղի ունեցան 9-րդ տուրի պարտիաները: Հովհաննես Գաբուզյանը, Հրայր Սիմոնյանն ու Սեդրակ Մաթևոսյանն իրենց պարտիաներն ավարտեցին ոչ-ոքի արդյունքով, իսկ Մամիկոն Ղարիբյանը պարտություն կրեց:

9-րդ տուրից հետո Ղայեմ Մաղամին և Օմիդի Օրյան վաստակել են 7-ական միավոր և գլխավորում են աղյուսակը: Հովհաննես Գաբուզյանը վաստակել է 6 միավոր և կիսում է 3-րդ հորիզոնականը:

Հրայր Սիմոնյանն ունի 5,5, Մամիկոն Ղարիբյանը 5, իսկ Սեդրակ Մաթևոսյանը՝ 4.5 միավոր: