Ցուլերը հանդիսականների վրա են գրոհել Մեքսիկայում կայացած ցլամարտի ժամանակ (տեսանյութ)
Հասարակություն
Մեքսիկայի Էնկառնասիոն դե Դիա քաղաքում կայացած ցլամարտի ժամանակ ցուլերը հարձակվել են հանդիսականների եւ ցլամարտիկների վրա: Այս մասին հաղորդել է Daily Mirror հրատարակությունը:
Կենդանիներից մեկին հաջողվել է խաղասպարեզ վազել նախատեսված ժամանակից շուտ: Մյուսը ներխուժել է տրիբունաներ եւ գրոհել հավաքված մարդկանց վրա: Instagram-ում հրապարակված տեսագրությունը ցույց է տալիս, թե ինչպես է նա հանդիսականին նետել արգելափակոցի վրայով, ինչից հետո տղամարդու վրա է հասել խաղասպարեզում գտնվող ցուլը:
Առավել լուրջ վնասվածք է ստացել հեծյալ ցլամարտիկ Սեզար Մորալեսը. ցուլը եղջյուրով խոցել է նրա ոտքը: Նաեւ մի կենդանի թիկունքից հարձակվել է ցլամարտիկ Ադոլֆո Ռամիրեսի վրա, որը Մեքսիկա էր ժամանել Իսպանիայից, բայց նրա բախտը բերել է. նա թեթեւ վնասվածքներ է ստացել: Բացի դրանից, տուժել են օպերատորը եւ լուսանկարիչը, որոնք նկարահանում էին ցլամարտը: Նրանցից մեկը կոտրել է կողոսկրը, մյուսը հոդախախտել է ոտքը:
Ականատեսը լրագրողներին պատմել է, որ տրիբունաներում խուճապ է սկսվել: Մի քանի հանդիսականներ ծեծվածքներ եւ աննշան վնասվածքներ են ստացել:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
