Ռոնալդուի ռեկորդն ու հակառեկորդը

Մադրիդի «Ռեալի» հարձակվող Կրիշտիանու Ռոնալդուն Չեմպիոնների լիգայում գոլային փոխանցումներ կատարելու քանակով դարձել է առաջատար: Այս մասին տեղեկացնում է Statbunker-ը:

Չեմպոինների լիգայի 1/8 եզրափակչում «Նապոլիի» (3:1) դեմ հանդիպմանը պորտուգալացին արդյունավետ գոլային փոխանցում էր կատարել Տոնի Կրոսին: Սա Ռոնալդուի համար ողջ կարիերայի ընթացքում 31-րդ գոլային փոխանցումն էր Չեմպիոնների լիգայում:

Այս ցուցանիշով ֆուտբոլիստը շրջանցեց Ռայան Գիգզին, ով իր ակտիվում ունի 30 գոլային փոխանցում, երրորդ տեղում Լիոնել Մեսսին է (24), 4-րդ տեղը կիսում են Մեսութ Օզիլն ու Զլատան Իբարհիմովիչը` 22-ական գոլային փախնցմամբ:

Կրիշտիանու Ռոնալդուն նաև հակառեկորդ է սահմանել հեղինակավոր այս մրցաշարում: Արդեն 5 խաղ է պորտուգալացի գոլ չի խփում:

Ներկայումս Ռոնալդուի առանց գոլերի շաքը հասավ 523 րոպեի, սա պորտուգալացու կարերայում ամենաերկարատև ցուցանիշն է առանց գոլերի: