Տարվա լավագույնների մրցանակները հանձնվեցին Մխիթարյանին, Ղազարյանին ու Պիզելիին

Ինչպես տեղեկացրել էինք, Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» անվանակարգում 2016 թ. քվեարկության արդյունքները:

Իրենց ակումբներում զբաղվածության պատճառով ֆուտբոլիստները մինչև հիմա չէին կարողացել ժամանել Հայաստան՝ ստանալու իրենց մրցանակները:

Այսօր ՀՖՖ Տեխնիկական կենտրոնում ֆուտբոլիստները ստացան իրենց մրցանակները: Մրցանակները հանձնեց ՀՖՖ նախագահ Ռուբեն Հայրապետյանը: Այս մասին հայտնում է ԼՈւՐԵՐ.com-ի թղթակիցը:

 Հիշեցնենք, որ 245 միավորով Հայաստանի 2016 թ. լավագույն ֆուտբոլիստ է ճանաչվել Հայաստանի ազգային հավաքականի ավագ, «Մանչեսթեր Յունայթեդ»-ի կիսապաշտպան Հենրիխ Մխիթարյանը: Կիսապաշտպանը այս մրցանակին է արժանանում 7-րդ անգամ:

56 միավորով երկրորդ տեղում է պորտուգալական «Մարիտիմու»-ի կիսապաշտպան Գևորգ Ղազարյանն է:

Լավագույն եռյակը 45 միավորով եզրափակում է Մարկոս Պիզելլին:

Տարվա լավագույն մարզչի մրցանակը հանձնվեց Վարդան Բիչախչյանին: