Ես էլ եմ այդ տարիքում խոշոր հաշվով պարտվել, պետք չէ ընկճվել. Մխիթարյանը՝ Մ17 հավաքականի մասին
Սպորտ
Հայաստանի ազգային հավաքականի ավագ Հենրիխ Մխիթարյանը անդադառնալով Հայաստանի Մ17 տարեկանների 1:10 հաշվով պարտությանը, նշեց.
«Իհա՛րկե, ինձ հետ էլ է նման բան պատահել: Ես էլ եմ այդ տարիքում խոշոր հաշվով պարտվել, բայց այդ խաղից հետո չեմ ընկճվել և հետևություններ եմ արել, որովհետև, եթե պարտությունից հետո մարդ պետք է ընկճվի, ավելի լավ է՝ ֆուտբոլ չխաղա, քանի որ ֆուտբոլն այնպիսի խաղ է, որտեղ պետք է սովորես ցանկացած սխալի, ցանկացած հաջողության վրա: Նրանք դեռ երկու հանդիպում ունեն: Անկախ նրանից՝ հաջորդ փուլ դուրս գալու հնարավորություն ունեն թե ոչ, պետք է հետևություն անեն, հավատան իրենց ուժերին: Յուրաքանչյուր մարդ սխալվելով է առաջ գնում և սխալվելով է հաջողության հասնում: Չկա մի մարդ, ով հաջողության է հասել միայն հաջողություններով:
Երիտասարդ խաղացողների ներուժի մասին խոսելիս՝ Մխիթարյանն ասաց.
«Ժամանակ առ ժամանակ հետևում եմ Հայաստանի առաջնության խաղերին: Եթե լինեն տաղանդավոր ֆուտբոլիստներ՝ շատ ուրախ կլինեմ: Որովհետև նրանք են մեր ապագան, նրանք մեզ պետք է փոխարինեն: Մեր հավաքականն արդեն հասել է այն տարիքին, երբ երիտասարդները պետք է ասեն. «մենք այստեղ ենք, ցանկացած րոպե կարող ենք ձեզ փոխարինել»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
