«Գանձասար-Կապան»-ն ուժեղ էր «Արարատ»-ից

Հայաստանի Բարձրագույն խմբի առաջնության 22-րդ տուրում «Գանձասար-Կապան»-ը ուժերը չափեց «Արարատ»-ի հետ:

Դիմակայությունն ավարտվեց Կապանի թիմի հաղթանակով՝ 2:1 հաշվով:

Գեղամ Հարությունյանը 6-րդ րոպեին բացեց հաշիվը, առաջին խաղակեսի վերջնամասում` 43-րդ րոպեին Կլաուդիրը կրկնապատկեց «Գանձասար-Կապան»-ի գոլային առավելությունը:

«Արարատ»-ի միակ գոլը 59-րդ րոպեին խփեց Անդրանիկ Քոչարյանը:

Այս հաղթանակից հետո Կապանի թիմը 42 միավորով «Ալաշկերտ»-ի հետ մրցաշարային աղյուսակի առաջատարն է: