Գոռ Մինասյանը թարմացրեց անձնական ռեկորդը և նվաճեց փոքր արծաթե մեդալ

Ծանրամարտի Հայաստանի տղամարդկանց հավաքականը շարունակում է իր ելույթները Խորվաթիայում ընթացող Եվրոպայի առաջնությունում:

Այսօր մեր ներկայացուցիչներից պայքարի դուրս եկան գերծանր քաշային կարգի ծանրամարտ Գոռ Մինասյանը և Ռուբեն Ալեքսանյանը:

Մինասյանը պոկում վարժությունում առանջին մոտեցմամբ բարձրացրեց 200 կգ ծանրաձողը, ապա նաև 205 կգ ծանրաձողը:

Երրորդ մոտեցմամբ Գոռը իր համար ռեկորդային 211 կգ ծանրաձողը բարձրացրեց և նվաճեց փոքր արծաթ:

Մեր մյուս ներկայացուցիչ Ռուբեն Ալեքսանյանը 190 կգ արդյունքով այս վարժությունում 6-րդն է: