Հայաստանի երիտասարդական հավաքականը մեկ գոլ խփեց Ջիբրալթարին

Եվրոպայի մինչև 21 տարեկանների 2019 թ. առաջնության ընտրական փուլի հերթական տուրում Հայաստանի երիտասարդական հավաքականը նվազագույն հաշվով հաղթել է Ջիբրալթարին:

53-րդ րոպեին Հայկ Գալստյանը վաստակել է 11 մետրանոց հարված, որը հաջող է իրացրել Պետրոս Ավետիսյանը:

Հայաստանի երիտասարդական հավաքականն անցկացրած 4 տուրերից հետո վաստակած 7 միավորով գլխավորում է խումբը: Բացի Ջիբրալթարից՝ մյուս հավաքականներն ավելի քիչ խաղեր են անցկացրել: