Հռոմի պապ Ֆրանցիսկոսի ծննդյան օրվա պիցցան և նրա կիրակնօրյա աղոթքը

Հռոմի պապ Ֆրանցիսկոսը, որի 81 տարին լրացավ այսօր, հիվանդ երեխաներին պիցցա է հյուրասիրել:

Սկզբում նա փչել է մոմը, ապա սուրբ Մարֆայի մանկական դիսպանսերում բուժվող երեխաներին առաջարկել ուտել 4 մետրանոց պիցցան, որ «շուտ մեծանան»:

Հռոմի պապը երեխաներին մաղթել է երջանիկ Ծննդյան տոներ եւ առողջություն,  հաղորդում է  New York Post-ը:

Դրանից բացի, Ֆրանցիսկոս պապը ավանդական կիրակնօրյա պատարագն է մատուցել Վատիկանում, որի ժամանակ հայտարարել է, որ իր ծննդյան օրն աղոթում է այն 6 միանձնուհիների ազատության համար, որոնք շուրջ 1 ամիս առաջ առեւանգվեցին Նիգերիայում, ապա շնորհավորել է հավատացյալներին գալիք տոների կապակցությամբ: