Քրտինքի հոտը բացառող պիջակն առաջարկել են հագնել կլոր տարին

Tranzend ընկերությունը թողարկել է տղամարդու Ultra Suit պիջակներ, որոնք ստեղծվել են վերամշակված պլաստիկից եւ սուրճի հատիկներից: Այս մասին հայտնել է Mashable-ը:

Հրատարակությունը հրապարակել է հագուստի տեսաշնորհանդեսը: Տեսահոլովակում բացատրվում է, որ կոճկվող գլխանոցով պիջակը «կպաշտպանի ամեն ինչից»:

Անջրանցիկ հագուստը կանխում է քրտնարտադրությունը եւ բաց չի թողնում հոտը, ինչպես նաեւ պաշտպանում է քամուց եւ ցրտից, լավ է ձգվում՝ ըստ որում չլայնանալով, ինչպես նաեւ չի կաշկանդում շարժումները: «Ultra Suit պիջակը կարելի է հագնել կլոր տարին»,- պատմել են Tranzend-ի ներկայացուցիչները: