Բացառիկ նոճու տեսակներ՝ Կադո լճում (լուսանկարներ)

ԱՄՆ-ի Տեխաս և Լուիզիանա նահանգների հատման վայրում գտնվում է Կադո լիճը, որի շուրջ՝ վերահսկվող տարածքներում, աճում են նոճիների անտառներ, որոնք ամենամեծն են աշխարհում:

19-րդ դարի սկզբին Ռեդ Ռիվեր գետի վրա խցանում է առաջացել գետային աղբից և գերաններից: Գետի ափերին բնակվող կուղբերն ամրացրել են այս խցանումն իրենց պատնեշներով: Այսպես գետի շարժը փակող ամբարտակ է ձևավորվել, ինչի հետևանքով սկսել է լճակ առաջանալ:

Big Picture-ը գրում է, որ նոճիները, մասնավորապես՝ ջրում գտնվողները, հատուկ գոյացություններ ունեն, որոնք կոչվում են «նոճու ծնկներ»: Սա քոթուկներ հիշեցնող ընձյուղներ են, որոնք աճում են ծառի արմատներից: