«Բարսելոնա»-ն խոշոր հաշվով հաղթեց «Ռեալ»-ին (տեսանյութ, լուսանկարներ)

Իսպանիայի առաջնության 17-րդ տուրի կենտրոնական խաղում «Ռեալ»-ը «Սանտիագո Բերնաբեու» մարզադաշտում հյուրընկալեց «Բարսելոնա»-ին:

Կլասիկոն ավարտվեց հյուրերի հաղթանակով 3:0 հաշվով:

Հանդիպման առաջին խաղակեսում երկրպագուները գոլերի ականատես չեղան: 54-րդ րոպեին Լուիս Սուարեսը խփեց խաղի առաջին գոլը:

Տասը րոպե անց Կարվախալը հեռացվեց դաշտից ձեռքով խաղի համար, նշանակված 11 մետրանոց հարվածը դիպուկ իրացրեց Լիոնել Մեսսին:

Խաղավարտին մադրիդցիների դարպասը երրորդ գոլն ուղարկեց Վիդալը (90+3):

Այս հաղթանակից հետո «կապտանռնագույնները» 45 միավորով շարունակում են գլխավորել Իսպանիայի առաջնության մրցաշարային աղյուսակը:

Մադրիդցիները 31 միավորով 4-րդն տեղում են: