Զգուշացում. սովորական պահպանակները կարող են քաղցկեղ առաջացնել (մեծերի համար)

Գիտնականները պարզել են, որ ռետինե մի շարք արտադրատեսակներում առկա քիմիական միավորները կարող են կապված լինել քաղցկեղի զարգացման հետ։ Դա հատկապես վերաբերում է պահպանակներին, թեև ամեն դեպքում ռիսկը բավական ցածր է։

Չնայած դրան՝ Առողջապահության համաշխարհային կազմակերպությունն արդեն իսկ հանդես է եկել համապատասխան զգուշացմամբ։ Զգուշացումն առնչվել է մերկապտոբենզոտիազոլին, որը կարող է գտնվել պահպանակներում, մանկական ծծակներում, ռետինե ձեռնոցներում, կոշիկում և ռետինե այլ արտադրատեսակներում։

Ընդգծվում է, որ այն կարող է օրգանիզմում հայտնվել բերանի միջոցով (օրինակ՝ մանկական ծծակների դեպքում) կամ էլ ճանապարհային փոշու միջոցով։ Ներկա դրությամբ մերկապտոբենզոտիազոլը քաղցկեղածինների թվում գտնվում է ծխախոտից մեկ հորիզոնական ցածր։