Մոսկվայում ավտոբուսը մխրճվել է կանգառի մեջ (տեսանյութ)

Մոսկվայի հյուսիս-արևմտյան հատվածում՝ «Սխոդնենսկայա» մետրոկայարանի մոտ, ավտոբուսը վրաերթի է ենթարկել կանգառում կանգնած մարդկանց՝ դառնալով 2 մարդու մահվան պատճառ, հայտնում է ria.ru-ն։

Տեղեկությունը հաստատել է ՌԴ մայրաքաղաքի արտակարգ իրավիճակների ծառայության ներկայացուցիչը:

Այժմ իրավապահները փորձում են պարզել ճանապարհատրանսպորտային պատահարի մանրամասները:

Մոսկվայի հյուսիս-արևմտյան հատվածում՝ «Սխոդնենսկայա» մետրոկայարանի մոտ, տրանսպորտի կանգառում սպասող մարդկանց վրաերթի ենթարկած ավտոբուսի վարորդը միջադեպի ժամանակ փորձել է խուսափել մեկ այլ մեքենայի հետ բախումից, ինչի հետևանքով մխրճվել է կանգառի մեջ, գրում է РИА Новости գործակալությունը՝ հղում անելով ՌԴ ներքին գործերի նախարարության Մոսկվայի գլխավոր վարչության մամուլի ծառայության ղեկավար Յուրի Տիտովին:

Պաշտոնյան, սակայն, հերքել է դեպքի հետևանքով մարդկանց մահվան մասին լուրը: 

«Ըստ նախնական տեղեկության՝ ավտոբուսի վարորդը մեկ այլ տրանսպորտային միջոցի հետ բախումից խուսափելու պահին կորցրել է ղեկի կառավարումն ու մխրճվել կանգառի մեջ»,- մանրամասնել է Տիտովը՝ նշելով, որ զոհեր չկան, սակայն դեպքի հետևանքով տուժել է 3 մարդ:

 

Публикация от Olen'ka (@olaymoscow) Дек 28, 2017 at 11:00 PST