Հրաձիգներն անհաջող են մեկնարկել Մյունխենի միջազգային մրցաշարում

Մյունխենում մեկնարկել է հրաձգության «H&N Cup» միջազգային մրցաշարը: Մրցումային առաջին օրը կրակագիծ մտած հայ հրաձիգներից ոչ մեկին չի հաջողվել հաղթահարել որակավորման փուլը:

Այս մասին գրում է ՀԱՕԿ-ը: 10 մ օդամղիչ ատրճանակ մրցաձեւում Հայաստանի միակ ներկայացուցիչ Բենիկ Խլղաթյանը որակավորման փուլում զբաղեցրել է 25-րդ տեղը:

10 մ օդամղիչ հրացան մրցաձեւում մեր առաջատար հրաձիգ Հրաչ Բաբայանը որակավորման փուլում 40-րդն էր: Նույն մրցաձեւում պատանիների պայքարում Հայկ Բաբայանն ու Նարեկ Ադամյանը, համապատասխանաբար, զբաղեցրել են 38-րդ եւ 39-րդ հորիզոնականները: Աղջիկների պայքարում Ալլա Պողոսյանը 26-րդն էր: