Ռոնալդուի դուբլն ու «Ռեալ»-ի խոշոր հաշվով հաղթանակը (տեսանյութ)

Մադրիդի «Ռեալ»-ը Իսպանիայի առաջնության 21-րդ տուրում արտագնա խաղում ուժերը չափեց «Վալենսիա»-ի հետ և առավելության հասավ 4:1 հաշվով:

Մեկնարկից 16 րոպե անց Կրիշտիանու Ռոնալդուն 11 մետրանոց հարվածից խփեց հանդիպման առաջին գոլը, 38-րդ րոպեին պորտուգալացին հերթական 11 մետրանոցը արդյունավետ իրացրեց:

Թիմերը գնացին ընդմիջման 2:0 հաշվով:

58-րդ րոպեին Սանտիագո Լորենսոն խփեց իր թիմի միակ գոլը, իսկ 84-րդ րոպեին Մարսելոն հաշիվը դարձրեց 3:1 հօգուտ հյուրերի: Հիմնական ժամանակի ավարտից մեկ րոպե առաջ Տոնի Կրոսը խփեց մադրիդցիների 4-րդ գոլը:

Այս հաղթանակից հետո Զիդանի թիմը 38 միավորով մրցաշարային աղյուսակի 4-րդ տեղում է:

Լուսանկարը՝ As-ի