Ադրբեջանի ԱԳՆ աշխատակիցը մեղադրվում է կաշառակերության համար

Ադրբեջանի Պետական անվտանգության ծառայությունը (SGB) շաբաթ օրը հայտնել է հատուկ օպերացիայի անցկացման մասին, որի ընթացքում արտաքին գործերի նախարարության աշխատակից եւ ադրբեջանական սահմանապահ ծառայության սպաներ են ձերբակալվել. նրանք մեղադրվում են կաշառակերության համար:

Այդպես, 2018 թվականի հունվարի 26-ին Հեյդար Ալիեւի միջազգային օդանավակայանում օպերատիվ հետախուզական միջոցառումների արդյունքում ձերբակալվել է Ադրբեջանի ԱԳՆ հյուպատոսական վարչության միջազգային օդանավակայանի վիզաների բաժնի երրորդ քարտուղար Էլթոն Զաքիր օղլու Խալիլին: Արտաքին գործերի նախարարության աշխատակիցը մեղադրվում է վիզա տրամադրելիս կաշառք վերցնելու համար: Բացի այդ, ձերբակալվել են  նաեւ միջազգային օդանավակայանի սահմանային հսկողության վարչության աշխատակիցներ ավագ լեյտենանտ Լեթիֆ Ֆարհադ օղլի Զեյնալովը եւ վառատար Զաուր Թալեհ օղլու Գասիմլին, որոնք մեղադրվում են սահմանային վերահսկման ընթացակարգի իրականացման ընթացքում կաշառք վերցնելու համար: Հաղորդվում է, որ օպերացիայի ընթացքում օտարերկրյա քաղաքացիները ցուցմունքներ են տվել մեղադրյալի դեմ, իսկ խուզարկման արդյունքում կասկածյալների մոտ մեծ քանակությամբ թղթադրամներ են հայտնաբերվել:

Նշված փաստերի հիման վրա հետաքննություն է սկսվել: