Ֆուտբոլը ձանձրալի է դարձել. Նեմար (տեսանյութ)

Ֆրանսիայի գավաթի խաղարկության կիսաեզրափակչում ՊՍԺ-ն 3:2 հաշվով հաղթել է «Ռեն»-ին և դուրս եկել եզրափակիչ:

Հանդիպմանը խաղային դրվագներից մեկում մրցակցի ֆուտբոլիստ Ամարի Տրաորեն ընկել է խոտածածկին, Նեյմարը ձեռքը մեկնել է, որպեսզի օգնի ֆուտբոլիստին, սակայն երբ վերջինս ի պատասխան մեկնել է իր ձերքը, Նեյմարն անմիջապես ձեռքը հետ է քաշել:

Այս դրվագի համար բրազիլացին արժանացել է դեղին քարտի:

Նեյմարը մեկնաբանել է իր արարքը.

«Կարծում եմ՝ մրցավարներն ավելի շատ ինձ պետք է պաշտպանեն: Անկեղծ ասած՝ կարծում եմ, որ ֆուտբոլը դարձել է շատ ձանձրալի. մենք ոչինչ չենք կարող անել դաշտում: Խաղի վերջնամասնում ես կատակեցի, բայց բոլորը պատմություն դարձրին: Եթե ես կարող եմ դա անել թիմակիցներիս հետ, ինչո՞ւ չեմ կարող անել նաև մրցակցի հետ: Մենք ամբողջ խաղի ընթացքում շատ ենք շփվել, վերջում որոշեցի կատակել: Դա ընդամենը կատակ էր: Այդ պատճառով էլ կարծում եմ, որ ֆուտբոլը ձանձրալի է դարձել»,- Նեյմարի խոսքը մեջբերում է Goal-ը: